मङ्सिर २१, डोटी । डोटीको बोगटान फुड्सिल गाँउपालिकामा भएको जिप दुर्घटनामा मृत्यु हुनेको संख्या चार पुगेको छ।
मृतक मुञ्जु त्रिपाठीकी घाइते ३ वर्षीय छोराको उपचारका लागि बाटोमा लैजाँदै गर्दा मृत्यु भएको हो। उनको उपचारार्थ दिपायल लैजाँदै गर्दा मृत्यु भएको बोगटान फुड्सिल गाउँपालिकाकी उपाध्यक्ष भगवती बमले जानकारी दिएकी छन्।
उपचारका लागि उपाध्यक्ष बमले बच्चालाई काखमा राखेर ल्याउँदै गर्दा बाटोमै ज्यान गएको हो। मृतक त्रिपाठी, उनका छोरा र उनकी सासुआमा एकै घरका हुन्। उनीहरुको घर बैतडी जिल्ला रहेको जनाइएको छ।
कच्ची सडकमा जिप भीरबाट करिब २०० मिटर तल खसेको प्रहरीले जनाएको छ। राति करिब एक बजे जिप दुर्घटना भएको थियो। अन्य घाइतेहरूको उपचारका लागि दिपायलतर्फ ल्याइँदै गरेको प्रहरीले जनाएको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम