मंसिर ११,पोखरा । पोखरामा गाँजासहित तीन जना पक्राउ परेका छन् । लागू औषध कारोबार भइरहेको छ भन्ने गोप्य सूचनाको आधारमा खटिएको प्रहरी टोलीले उनीहरुलाई पक्राउ गरेको हो ।
जिल्ला प्रहरी कार्यालय कास्की मातहत इलाका प्रहरी कार्यालय हशंपुरको शिसुवा डाँडाकोनाकबाट खटिएको प्रहरी टोलीले नहरचोकबाट उनिहरुलाई समातेको आज जनाएको हो। झोला भित्र लुकाएर राखेको गाँजा १ किलो १ सय ग्राम, मोबाइल २ थान र नगद ३ हजार ७ सय रुपैयाँ बरामद गरेको प्रहरीले जनाएको छ ।
पक्राउ पर्नेहरुमा पोखरा महानगरपालिका वडा नम्बर ३१ किमबेशी बस्ने २६ वर्षीय जीवन भुजेल, रुपा गाउँपालिका वडा नम्बर ७ स्याक्लुङ बस्ने २६ वर्षीय रुबिन गुरुङ र पोखरा महानगरपालिका वडा नम्बर ३१ लामागाउँ बस्ने १७ वर्षीय युवक रहेका छन् । उनीहरुमाथि कारबाही प्रक्रिया अघि बढाइएको कास्की प्रहरीले जनाएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम