मंसिर ८, झापा । घर नै भाडामा लिएर लागू औषधको कारोबार गर्दै आएका श्रीमान्–श्रीमती (दम्पत्ति) सहित झापा प्रहरीले ४ जनालाई पक्राउ गरेको छ ।
झापाको मेचीनगर नगरपालिका–७ सिद्धार्थ टोलमा घर नै भाडामा लिएर लागू औषधको कारोबार हुने गरेको सूचनाका आधारमा इलाका प्रहरी कार्यालय काकडभिट्टा र लागू औषध नियन्त्रण ब्यूरो काकडभिट्टाबाट खटिएको टोलीले ४ जनलाई पक्राउ गरेको छ ।
पक्राउ पर्नेमा लागू औषध बिक्री गर्ने सिताराम आङ्देम्बे र उनकी श्रीमती मनिषा थापा मगर तथा लागू औषध खरिद गर्ने सुनसरीको धरान उपमहानगरपालिका–५ का २४ वर्षीय कल्याण राई र धरान–१६ का २४ वर्षीय रिजन लकन्दी रहेका छन् ।
प्रहरीले उनीहरुलाई झापाको मेचीनगर नगरपालिका–७ बाटै पक्राउ गरेको हो । प्रहरीले उनीहरुको साथबाट २८ ग्राम नियन्त्रित लागू औषध ब्राउन सुगर, १ लाख ३३ हजार रुपैयाँ नगद र ३ थान मोबाइल सेट बरामद गरेको छ ।
लागू औषधसहित पक्राउ परेका चारै जनाविरुद्ध थप अनुसन्धान भइरहेको इलाका प्रहरी कार्यालय काकाडभिट्टाले जानकारी दिएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम