मंसिर ८,काठमाडौँ । निजामती कर्मचारीले अब निजी इन्स्टिच्युटमा पढाउन नपाउने भएका छन् । बहालवाला सचिवसहितका उच्च अधिकारीहरू नै निजी इन्स्टिच्युटमा पढाउन व्यस्त हुँदा कामकाजमा असर गरेको भन्दै सरकारले यस्तो निर्णय गरेको हो ।
उच्च तहका कर्मचारी निजी इन्स्टिच्युटमा ब्यस्त हुँदा नीति निर्माण कार्यमा समेत समस्या सिर्जना भएपछि त्यस्तो काम गर्न रोक लगाइएको संघीय मामिला तथा सामान्य प्रशासन मन्त्रालयले जनाएको छ ।
मन्त्रीस्तरीय निर्णय गर्दै लोकसेवा आयोग तथा अन्य निकायबाट सञ्चालन हुने प्रतिस्पर्धात्मक परीक्षाको तयारी कक्षा चलाउने निजी इन्स्टिच्युटमा उच्च पदस्थ कर्मचारीहरू आफैं गएर तथा अनलाइन माध्यमबाट प्रशिक्षण दिन नपाउने निर्णय भएको मन्त्रालयले आइतबार जारी गरेको सूचनामा उल्लेख छ ।
यसअघि कुनै मन्त्रालय वा निकायबाट बाहिर गएर प्रशिक्षण दिनेलगायतका विषयमा अनुमति लिएको भएमा त्यस प्रकारका सबै अनुमतिसमेत रद्द गर्ने मन्त्रालयले निर्णय गरेको छ ।
कर्मचारीले काज बिदाको बहाना गर्दै पढाएको पाइएमा त्यस्ता कर्मचारीमाथि कारबाही गर्ने मन्त्रालयले चेतावनी दिएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम