मंसिर ५,काठमाडौं। उदयपुरमा सालकको खपटासहित एक जना पक्राउ परेका छन्। त्रियुगा नगरपालिका–११ पीपल चोकबाट ३ सय ८० ग्राम तौल भएको सालकको खपटा (आखेटो पहार) सहित ४१ वर्षीय पहलमान कटुवाल पक्राउ परेका हुन्।
उनी सोही नगरपालिकाको वडा नम्बर–१४ टोड्केका हुन्। बिहीबार दिउँसो साउनेबाट गाईघाटतर्फ जाँदै गरेको स.१ ह २६९० नम्बरको अटोलाई नगर प्रहरी कार्यालय गाईघाटबाट खटिएको प्रहरीले जाँच गर्दा उक्त अटोको सिटमुनि लुकाई राखेको उक्त खपटा फेला पारी अटोका चालक कटुवाललाई पक्राउ गरेको हो ।
प्रहरीले उनीविरुद्ध बन्यजन्तु चोरी सिकारी सम्बन्धीको कसुरमा मुद्दा दर्ता गरी अनुसन्धान थालेको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम