कात्तिक २६, दाङ । दाङमा ट्रक र मोटरसाइकल ठोक्किँदा तीन जनाको ज्यान गएको छ । दुर्घटनामा परि राप्ती गाउँपालिका वडा नम्बर ५ कालापानीका १६ वर्षीय मनोज गाहा, वडा नम्बर २ लालमटिया निवासी १८ वर्षीय कसम पुन र वडा नम्बर ८ पिपरी निवासी १७ वर्षीय दिनेश घर्तीको ज्यान गएको इलाका प्रहरी कार्यालय भालुवाङले जानकारी दिएको छ ।
मंगलबार राति लमही भालुवाङ सडकखण्ड अन्तर्गत राप्ती गाउँपालिका-४ मौरीघाट जनकपुरमा पश्चिमबाट पूर्वतर्फ गइरहेको ना ६ ख ३३४४ नम्बरको ट्रक र रा ५ प ६७३३ नम्बरको मोटरसाइकल एक आपसमा ठोक्किँदा दुर्घटना भएको हो ।
ज्यान गुमाएका तीन जनाकै शव पोष्टमार्टमका लागि लमही अस्पतालमा राखिएको छ । घटनाबारे थप अनुसन्धान भइरहेको इलाका प्रहरी कार्यालय भालुवाङले जानकारी दिएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम