कार्तिक ९ , काठमाडौं । ललितपुर, मोरङ र पर्सामा भएका सवारी दुर्घटनामा ३ जनाको मृत्यु भएको छ ।
ललितपुरको नख्खुमा कारको ठक्करबाट मोटरसाइकल चालकको मृत्यु भएका छ भने एक जना घाइते भएका छन् ।
बा.८ च. १५८१ नम्बरको कारले को.२९ प ५०६२ नम्बरको मोटरसाइकललाई शनिबार साँझ ठक्कर दिँदा मोटरसाइकल चालक ललितपुर महानगरपालिका–१४ थसिखेल बस्ने सिरहा घर भएका २८ वर्षीय एलु घलेको मृत्यु भएको हो । दुर्घटनामा गम्भीर घाइते भएका घलेको पाटन अस्पतालमा उपचारको क्रममा मृत्यु भएको प्रहरीले जनाएको छ ।
दुर्घटनामा घाइते भएका मोटरसाइकलमा सवार जावलाखेल बस्ने मकवानपुर घर भएका २१ वर्षीय सजित परियारको पाटन अस्पतालमा उपचार भइरहेको छ । कार चालकलाई प्रहरीले नियन्त्रणमा लिएको छ ।
यसैगरी मोरङको कानेपोखरी जंगलमा पर्ने सडकमा शनिबार साँझ नम्बर नखुलेको सवारी साधनको ठक्करबाट करिब ६० वर्षीय पुरुषको मृत्यु भएको छ । ठक्करबाट गम्भीर घाइते भएका उनको मंगलबारे अस्पताल उर्लाबारीमा उपचारको क्रममा मृत्यु भएको हो । उनको नाम थर, ठेगाना खुलेको छैन । ठक्कर दिने सवारी साधन र चालकको प्रहरीले पहिचान तथा खोजी कार्य गरिरहेको मोरङ प्रहरीले जनाएको छ ।
यसैगरी पर्साको वीरगञ्ज महानगरपालिका–१६ नगवाचोकमा ना.३ ख ९४२८ नम्बरको टिपर, अनटेष्ट लेखेको ट्याक्टर र सोही स्थान बस्ने ३२ वर्षीय गौरी शंकर मिश्राले चलाएको साइकल आपसमा ठक्कर खाई शनिबार साँझ दुर्घटना हुँदा साइकलयात्री गौरी शंकर मिश्राको मृत्यु भएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम