कातिक ७,सर्लाही । सर्लाहीमा बेग्ला बेग्लै भएको सवारी दु्र्घटनामा परी १६ जना घाइते भएका छन भने दुईको अवस्था चिन्ताजनक रहेको छ । हरिपुर न.पा.३ फरहदवा स्थित नबलपुर मलंगवा सडकखण्डमा नबलपुरबाट मलंगवा तर्फ जाँदै गरेको प्रदेश २–०३–००१ ह ००३९ नम्बरको टेम्पु र विपरित दिशाबाट आउँदै गरेको बा २० च ४७४८ नम्बरको पिकअप भ्यान एक आपसमा ठक्कर खाँदा टेम्पुमा सवार १० जना घाइते भएका छन ।
घाइते हुनेहरुमा टेम्पु चालक हरिपुर न.पा. ६ बस्ने वर्ष४२ को राजगिर चौधरी , सोहि ठाउँ बस्ने वर्ष ३५ की जानकी देवी चौधरी, वर्ष ४० की दुःखनी देवी चौधरी, वडा नं.२ बस्ने वर्ष ३५ की अञ्जली महतो, वर्ष ४५ की संगीता चौधरी, वर्ष ४० की सुशिला चौधरी, वर्ष ३५ की सावित्री देवी चौधरी, वर्ष ४५ की माल्ती देवी चौधरी, हरिपुर न.पा. ६ बस्ने वर्ष ३० की किसुन देवी चौधरी वडा नं. २ बस्ने वर्ष ३५ की सुभगिया देवी चौधरी रहेका छन ।
घाइतेहरु १० जना मध्ये दुःखनी देवी चौधरी, अञ्जली महतोको सर्लाहीको प्राथमिक उपचारपश्चात थप उपचारको लागी बिरगंज रिफर गरिएको छ भने संगीता चौधरीलाई लालगढ पठाइएको ईलाका प्रहरी कार्यालय हरिपुरले जनाएको छ । त्यस्तै अन्य घाइतेहरुलाई मलंगवा अस्पतालमा पठाइएको र दुर्घटना ग्रस्त सवारी साधन ईलाका प्रहरी कार्यालय हरिपुरको नियन्त्रणमा रहेको प्रहरी निरीक्षक विक्रम साहले जानकारी दिए । रासस
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम