कात्तिक ३,काठमाडौं । जनता समाजवादी पार्टीले नेता बाबुराम भट्टराईलाई संघीय परिषद् अध्यक्ष बनाउने तयारी गरेको छ। आजदेखि सुरू हुने पार्टीको केन्द्रीय कार्यकारिणी समिति बैठकमा भट्टराईलाई संघीय परिषद अध्यक्ष बनाउनेलगायत प्रस्तावमाथि छलफल हुँदैछ।
आज र भोलि चल्ने बैठकले यसबारे छलफलपछि निर्णय गने जसपाको नेताहरुले बताएका छन् । तत्कालीन समाजवादी पार्टी र राजपाबीच एकीकरणपछि भट्टराई जसपामा वरिष्ठ नेताका रूपमा छन्।
जसपामा महन्थ ठाकुर र उपेन्द्र यादव दुई अध्यक्ष छन्। उनीहरू केन्द्रीय कार्यकारिणी समिति अध्यक्ष रहने र भट्टराईलाई संघीय परिषद अध्यक्ष बनाउन लागिएको जसपाले जनाएको छ।
तुलसीलाल अमात्य प्रतिष्ठानमा आज केन्द्रीय कार्यसमिति बैठक बस्न लागेको हो। पार्टीको विधान संशोधनलगायतका एजेन्डामाथि छलफल गर्न बैठक बोलाइएको बुझिएको छ । गत असार २५ गते निर्वाचन आयोगमा जसपा दर्ता भएको थियो।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम