असोज ११, पाँचथर । भौतिक पूर्वाधार तथा यातायात र सहरी विकासमन्त्री बसन्त कुमार नेम्वाङले पूर्वपश्चिम रेलमार्ग बनाउने दावी गर्नुभएको छ । गृहजिल्ला पाँचथर आइपुग्नु भएका मन्त्री नेम्बाङले पत्रकार सम्मेलनमा सरकारले रेलमार्ग बनाएरै छोड्ने दावी गर्नुभएको हो ।
स्रोत साधान नेपालमा नभए पनि सहयोग लिएर नेपालमा पूर्वपश्चिम रेलमार्ग बनाएरै छोड्ने उहाँको भनाइ छ । अर्को प्रसंगमा उहाँले समयमा काम गर्न नसक्ने निर्माण व्यवसायीलाई कारवाही गर्ने चेतावनीसमेत दिनुभएको छ ।
स्थानीय तहका जनप्रतिनिधिहरुलाई नागरिकको इच्छा चाहना अनुरुप काम गर्न निर्देशन दिँदै उहाँले अबको ५ वर्षभित्र मुलुकमा फुसको छानो मुक्त मुलुक बनाउन जनता आवास कार्यक्रममार्फत अति विपन्न परिवारलाई घर निर्माण गर्न लागेको बताउनुभयो ।
भौतिक पूर्वाधार तथा यातायात र सहरी विकास मन्त्रालयले अहिलेसम्म ३२ प्रतिशत भौतिक प्रगति गरिसक्नुपर्ने भएपनि ७ प्रतिशत मात्रै गरेको मन्त्री नेम्बाङले जानकारी दिनुभयो ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम