असोज २, बाजुरा । बाजुराको हिमाली गाउँपालिका–५ कवाडीमा बिहीबार राती परेको अविरल वर्षाका कारण आएको बाढीले ३ जना बेपत्ता भएका छन् भने दर्जन बढी घरमा क्षति भएको छ ।
जिल्ला प्रहरी कार्यालय बाजुराका अनुसार अविरल वर्षासँगै सुपाना खोलामा आएको बाढीमा परी तीनजना बेपत्ता भएका हुन् । सदरमुकाम मार्तडीदेखि दुई दिनको पैदल यात्रा पछि पुगिने सो ठाउँमा संचारको पहुँच नहुँदा घटना शुक्रबार मात्रै थाहा पाइएको प्रहरीले जनाएको छ।
जिल्ला प्रहरी कार्यालय बाजुराका सूचना अधिकारी तथा प्रहरी निरीक्षक लोकेन्द्रसिहं ठगुन्नालेअनुसार बिहीबार दिउँसो माछा मार्न सुपाना खोलामा गएका ३ जना सम्पर्कमा नआएको जानकारी प्राप्त भएको बताए ।
बिच्छ्याँ प्रहरी चौकीबाट प्रहरीको टोली घटनास्थलमा खटिएको छ । क्षतिको विवरण आउन बाँकी रहेको प्रहरीले बताएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम