सिन्धुलीको फिक्कलमा लकडाउन खुल्यो !

कोरखबर २३ भदौ, २०७७

२३ भदौ,सिन्धुली । सिन्धुलीको फिक्कल गाउँपालिकाले लकडाउन खुलाएको छ । सिन्धुलीमा समूदाय स्तरमा कोरोना भाइरसको संक्रमण फैलिएसँगै गाउँपालिकाले साउन ३१ गतेदेखि लकडाउन गरेको थियो ।

सोमबार बसेको गाउँकार्यपालिकाको बैठकले भदौ २२ गते राति १२ बजेपछि लागू हुनेगरी लकडाउन खुल्ला गरिएको गाउपालिकाका प्रवक्त राजु बरालले जानकारी दिए । लकडाउन खुलाएसँगै फिक्कल गाँउपालिकाबाट प्रवाह हुने सबै सेवा नियमित सुचारु हुने बरालले जानकारी दिए ।

गाँउपालिकाले एक सूचना जारी गर्दै हालसम्म गाउँपालिका क्षेत्रभित्र कोरोना भाइरसको संक्रमण नदेखिएको र लकडाउनका कारण श्रमिक तथा विपन्न वर्गका व्यक्ति तथा परिवार आर्थिक समस्या परेकाले लकडाउन खुला गरिएको जनाइएको छ ।