धनकुटा । जिल्ला प्रशासन कार्यालय धनकुटामा २४ दिन देखि लगाएको निषेधाज्ञा सोमबार रातिदेखि हटाएको छ ।
पछिल्ला केही दिनमा अवस्था सामान्य बन्दै गएकाले निषेधाज्ञा अन्त्य गरिएको प्रमुख जिल्ला अधिकारी केशवप्रसाद विमलीले जानकारी दिए । मंगलबार बिहानैदेखि बजारमा पसल सञ्चालनमा आएका छन् ।
उच्च सावधानीका सबै उपाय भने कायमै राख्न प्रशासनले आग्रह गरेको छ । शिक्षण संस्था, हाटबजार, सभा सम्मेलन, भेला अन्तरक्रिया,गोष्ठी बैठकहरु भने सञ्चालन गर्न नपाइने जिल्ला प्रशासन कार्यालय धनकुटाले जनाएको छ ।
धनकुटा जिल्लाभित्र आन्तरिक रुपमा ५० प्रतिशत संख्यामा मात्र यात्रु राखेर यातायात सञ्चालन गर्ने पाउने पनि उल्लेख गरिएको छ ।
सामाजिक दूरी अनिवार्य कायम गर्ने र मास्कसहित सुरक्षाको विधिको अपनाउन पार्ने छ । जिल्लामा कोरोना संक्रमण पुष्टि भएका ४० मध्ये २० जना निको भएर घर फर्किएका छन् भने २० जनाको उपचार भइरहेको स्वास्थ्य कार्यालय प्रमुख तुलसीप्रसाद गुरागाईंले बताए ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम