१६ भदौ, काठमाडौं । सत्तारुढ दल नेपाल कम्युनिष्ट पार्टी (नेकपा) का उपाध्यक्ष वामदेव गौतमले आफू राष्ट्रिय सभामा जाने र सरकारमा सहभागी हुने बताएसँगै पार्टीभित्र पूनः विवाद सुरु भएको छ । नेता गौतमले हिजो मात्रै अध्यक्षद्धय केपी शर्मा ओली र पुष्पकमल दाहाललाई भेटेर आफूलाई राष्ट्रिय सभामा लैजाने पार्टीको निर्णय कार्यान्वयन गर्नुपर्नेबारे दबाब दिएका थिए ।
एक टेलिभिजनसंगको अन्र्तवार्तामा प्रधानमन्त्री तथा नेकपाका अध्यक्ष ओलीले वामदेव राष्ट्रिय सभामा जाने च्याप्टर क्लोज भएको बताउँदै वर्तमान अर्थमन्त्री डा. युवराज खतिवडालाई नै निरन्तरता दिने बताएका थिए। प्रधानमन्त्री ओलीको यो भनाई बाहिरिएसँगै उपाध्यक्ष गौतमले आफूलाई राष्ट्रिय सभामा लैजानुपर्ने दबाब बढाएका छन् ।
उनले प्रधानमन्त्री ओलीसँग भेटेर यसअघि आफूलाई राष्ट्रिय सभामा लैजाने निर्णय तत्काल कार्यान्वयन गर्न दबाब दिएका थिए । लगत्तै, उनले खुमलटार पुगेर अर्का अध्यक्ष दाहाललाई पनि भेटेका थिए ।
आज मात्रै अध्यक्ष दाहाल, वरिष्ठ नेताहरु माधव कुमार नेपाल र झलनाथ खनालबीच कुराकानी भएको र तीनै जना नेताबीच गौतमलाई राष्ट्रिय सभामा ल्याउने निर्णय कार्यान्वयन गर्ने कुरामा सहमती भएको बताईएको छ ।
उच्च स्रोतका अनुसार तीन जना नेताले वामदेवलाई राष्ट्रिय सभामा लैजानेबारे निर्णय कार्यान्वयन गराउन प्रधानमन्त्री ओलीलाई दबाब दिने भएका छन् ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम