काठमाडौं । नेपाल सरकारले नयाँ श्रम स्वीकृति दिने घोषणा गरेसगैँ एक लाख बढी नेपाली वैदेशिक रोजगारीमा जान पाउने भएका छन्।
सरकारले गरेको यस निर्णयले लकडाउन अगाडि श्रम स्वीकृति स्थगित भएर रोकिएका कामदार र अब आउने कामदारको माग गरेर एक लाख ५० हजार बढी नेपाली वैदेशिक रोजगारीमा जाने बाटो खुलेको नेपाल वैदेशिक रोजगार व्यवसायी सघंका महासचिव सुजित श्रेष्ठले जानकारी दिए।
‘ सरकारले गरेको यो निर्णयले लकडाउन अघिका १ लाख ३० हजार युवा प्रत्यक्ष लाभान्वित हुन्छन् । त्यस्तै बहराइन, ओमान, दुवई कतार गरी करिव २० देखि ३० हजार कामदारको माग आउने सम्भावना छ। २० देखि २५ हजार नेपाली कामदार रोमानिया जाने तयारीमा छन्। कतिपयको त भिषा आइसक्यो,’ श्रेष्ठले बताए ।
लक डाउन सकिए लगत्तै श्रम स्वीकृति खुल्ला गर्ने वैदेशिक रोजगार विभागका महानिर्देशक कुमार प्रसाद दाहालले बताए ।
कोरोनाको कारण गत फागुन २७ देखि श्रम स्वीकृति दिन बन्द गरिएको थियो। सोमबार नेपाल सरकारका प्रवक्ता डा. युवराज खतिवडाले सम्बन्धित श्रम गन्तब्य मुलुकसगँको सम्झौता र मागको आधारमा नयाँ श्रम स्वीकृति खुल्ला गरिने जानकारी दिएका हुन्।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम