काठमान्डौ– केहि दिन पहिले नेपाली राजनितिवृत्तमा एउटा विषयले खुबै चर्चा पायो । विषय थियो राष्ट्रिय प्रजातन्त्र पार्टीका संस्थापक पुर्व प्रधानमन्त्री सुर्य बहादुर थापाका छोरा सुनिल बहादुर थापाको राप्रपा परित्यागको घोषणा । राप्रपालाई लामो समयसम्म डोहो¥याएका पुर्व प्रधानमन्त्री सुर्य बहादुर थापाको विरासतलाई थामिराखेका नेता सुनिल बहादुर थापाले राप्रपामाथी विभिन्न आरोप लगाउँदै अव राप्रपामा रहन नसक्ने घोषणा गरे । पार्टी परित्यागको घोषणा गरेको केहि दिनमै उनि नेपाली कांग्रेसमा प्रवेश समेत गरे । त्यहाँ उनिमात्रै गएनन्, संगै राप्रपाका एक दर्जन बढि प्रभावशाली नेता कार्यकर्तालाई समेत काँग्रेस प्रवेश गराए ।
भिडियो हेर्न तलको लिंकमा क्लिक गर्नुहोस :
संविधान जारी भएपछि पार्टी ढुलमुले बाटोमा हिँडेको उनको पहिलो आरोप थियो । कहिले जारी संविधानलाई अस्विकार गर्ने,गणतन्त्र नमान्ने कहिले धर्म निरपेक्षताको विरोध गर्ने त कहिले संघियताको विरोध गर्ने तर ति सवै विषयलाई स्विकार गर्ने सरकारमा सहभागी हुने पार्टीको यहि ढुलमुले प्रवृत्तिले आँफुलाई पार्टीबाट बाहिरिने मनस्थितीमा पु¥याएको विज्ञप्तीमार्फत उनले जनाएका थिए ।
तर उनको यो आरोपको पार्टीभित्रैका नेताहरुले खण्डन गरेका छन् । कोर खबरसंगको कुराकानीमा राष्ट्रिय प्रजातन्त्र पार्टी निकट युवक संघका संयोजक प्रकाश रिमालले पदको लालसा र विचलित मनस्थितीका कारण थापाले पार्टी त्यागेको आरोप लगाएका छन् ।
भिडियो हेर्न तलको लिंकमा क्लिक गर्नुहोस :
सरकारमा सहभागी हुदैमा पार्टीको मुलमुद्धा छोडेको भनेर भन्न नमिल्ने रिमालको भनाई छ । पार्टीले संस्थापक नेता सुर्यबहादुर थापाका सिद्धान्तहरुलाई अंगालीरहेको दावी गरे । विपिको मेलमिलाप निति र सुर्य वहादुर थापाको मार्गमा हिड्न आए भन्दै कांग्रेस प्रवेश गरेका सुनिल बहादुर थापालाई संयोजक रिमालले सुर्य बहादुर थापाले अंगालेका कुन सिद्धान्त, कुन मार्ग र कुन विचारबाट विमुख भयो त्यसको पुष्टि गर्न चुनौति समेत दिए ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम