काठमाडौं । आज नेपाल कम्युनिष्ट पार्टीका दुई अध्यक्ष केपी शर्मा ओली र पुष्पकमल दाहाल ‘प्रचण्ड’ बीच बालुवाटारमा छलफल भएको छ। प्रधानमन्त्री ओलीसँग छलफल गर्न प्रचण्ड आइतबार बिहान बरिष्ठ नेता झलनाथ खनाललाई लिएर बालुवाटार पुगेको स्रोतले जनाएको छ ।
मंगलबार बोलाइएको पार्टी स्थायी कमिटीको बैठक अध्यक्ष ओलीले स्थगित गरिदिएपछि ओली, प्रचण्ड र झलनाथबीच गत मंगलबार बालुवाटारमै भेटवार्ता भएको थियो।
बालुवाटारमा प्रचण्ड र अर्का बरिष्ठ नेता माधवकुमार नेपाल पक्षका २९ जना स्थायी कमिटी सदस्य सहभागी भएर बसेको बैठकले एकलौटी रूपमा अध्यक्ष ओलीले बैठक रोक्नु विधानविपरीत र अनुचित भएको निर्णय गरेको थियो।
साथै उक्त बैठकले आगामी स्थायी समिति बैठकको मितिका लागि अध्यक्ष ओलीसँग सहमति गर्ने जिम्मा पनि प्रचण्डलाई दिएको थियो ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम