काठमान्डौ– रामेछाप प्रशासनले मास्क खै? अभियान सुरु गरेको छ । लकडाउन हटेपनि कोरोना भाइरस संक्रमणको जोखिम कायमै रहेकोले त्यसबाट बच्न नागरीकहरुलाई मास्क लगाउन आग्रह गर्ने उद्धेश्यका साथ तपाईको मास्क खै ? अभियान सुरु गरिएको हो ।
रामेछापका डिएसपी बशन्त पाठकका अनुुसार कोरोना संक्रमणको जोखिम कायमै रहदाँ पनि सर्वसाधारण नागरिक मास्क नलगाई हिड्न थालेपछि नागरिकलाई मास्क लगाउन प्रेरित गर्ने उद्देश्यका साथ यो अभियान चलाइएको हो ।
वुधबार सदरमुकाम मन्थलीमा मास्क नलगाई हिँड्नेका नागरिकलाई रामेछाप प्रशासनले निशुल्क मास्क वितरण समेत ग¥यो । अब जिल्ला मास्क नलगाई घरबाहिर हिँडडुल गर्नेलाई कारबाहि गर्ने प्रशासनको तयारी छ ।
भिडभाडमा मास्क नलगाई हिँड्ने व्यक्तिलाई सङ्क्रामक रोग ऐन २०२० अनुसार १ सय रुपैयाँ जरिवाना तिराउने जिल्ला प्रशासन कार्यालय रामेछापले जनाएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम