काठमाडौँ । साझा र विवेकशील नेपाली दलको राजनीतिक संवाद समितिले पार्टी एकताका लागि छलफललाई तीव्रता दिएको छ । साझा सङ्गठन विभाग प्रमुख केशव दाहाल नेतृत्वको संवाद समिति र विवेकशीलका महासचिव निर्देश सिलवाल नेतृत्वको संवाद समिति निरन्तर छलफलमा छ ।
२८ असारमा साझा पार्टीले समान सोच भएका पार्टी, समूह र व्यक्तिहरुसँग एकीकरणको प्रक्रियालाई अगाडि बढाउन तीन सदस्यीय राजनीतिक संवाद समिति गठन गरेपछि पार्टी एकताका लागि साझा र विवेकशीलबीच साउन ३ गते बानेश्वरमा औपचारिक वार्ता भएको छ ।
उक्त छलफलमा साझाबाट वार्ता समितिका संयोजक दाहालसहित सदस्य समीक्षा बाँस्कोटा, किरणकृष्ण श्रेष्ठ र विवेकशीलबाट संयोजक सिलवालसहित रमेश पौडेल र रन्जु दर्शनाको पनि उपस्थित थिए ।
छलफलमा सहभागी विवेकशीलबाट सहभागी एक नेताले भने, ‘बानेश्वरको छलफलमा आफ्ना अनुभव साटासाट गर्ने, पहिलो के बिग्रेको थियो, त्यसलाई कसरी सुधार गर्ने भन्ने विषयमा छलफल भयो । सामान्य कुराकानी भयो । टेवुलबाट आआफ्ना एजेन्डा राखेर सहमति गर्ने गरी भने छलफल भएको छैन ।’
त्यसका लागि साउन ७ गते संवाद समिति छलफलमा बस्ने भनिएको थियो । बाग्मती प्रदेशसभा बैठकका लागि हेटौँडामा रहेका विवेकशीलका वार्ता समिति सदस्य रमेश पौडेल काठमाडौँ फर्किन सम्भव नभएपछि छलफल साउन ९ गतेलाई सारिएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम