मकवानपुरको हेटौंडा उपमहानगरपालिका-१७ अङ्गारेस्वरस्थित धरान-चतारा सडक खण्डमा पिकअप गाडी र मोटरसाइकल एकआपसमा ठोक्किँदा एक जनाको मृत्यु भएको छ। दुर्घटनामा स्थानीय २७ वर्षीय मोटरसाइकल चालक सुदीप पाण्डेको मृत्यु भएको हो।
हेटौंडाबाट सिन्धुलीतर्फ तरकारी लिएर जाँदै गरेको बा.प्र. ०१-०२८ च १७४७ नम्बरको बोलेरो पिकअप र विपरीत दिशाबाट आउँदै गरेको प्रदेश ३-०३-००१ प ६४५९ नम्बरको मोटरसाइकल बुधबार राति करिब पौने ९ बजे सडकको बीच भागमा एकापसमा ठोक्किएका थिए।
दुर्घटनामा गम्भीर घाइते भएका पाण्डेको टाउको र शरीरका विभिन्न भागमा चोट लागेको थियो।
घटनालगत्तै अस्थायी प्रहरी पोस्ट हटियाबाट खटिएको ट्राफिकसहितको प्रहरी टोलीले उनलाई तत्काल उद्धार गरी उपचारका लागि ‘सिएमसी चुरेहिल अस्पताल’ हेटौंडा पुर्याएको थियो। चिकित्सकले राति सवा ९ बजे उनलाई मृत घोषणा गरेका थिए।
मृतकको शव परीक्षणका लागि सोही अस्पतालमा राखिएको छ। प्रहरीले पिकअप र चालक सिन्धुलीको कमलामाई नगरपालिका-३ बस्ने ४८ वर्षीय रमेश तामाङलाई नियन्त्रणमा लिएर आवश्यक अनुसन्धान अघि बढाएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।