मनसुन बाहिरिएको ठानेर ढुक्क भएका काठमाडौं उपत्यकावासी सोमबार अचानक वर्षा सुरु भएपछि दङ्ग परेका छन्।
यद्यपि, जल तथा मौसम विज्ञान विभागले आगामी तीन दिनसम्म देशका केही स्थानमा वर्षाको सम्भावना रहे पनि लगातार झरी भने नपर्ने बताएको छ।
मौसमविद् विनु महर्जनका अनुसार केही स्थानमा क्षणिक वर्षा हुने सम्भावना रहे पनि लामो समयसम्म लगातार झरी पर्ने मौसमी प्रणाली छैन।
विज्ञापन
हाल मुलुकभर दुईवटा मौसमी प्रणाली सक्रिय रहेका छन्। कर्णाली र सुदूरपश्चिम प्रदेशका सबै भाग तथा गण्डकी र लुम्बिनी प्रदेशका पश्चिमी भू-भागमा पश्चिमी वायुको प्रभाव कायमै छ।
यस्तै कोशी, मधेश र बागमती प्रदेशका सबै भू-भाग तथा गण्डकी र लुम्बिनी प्रदेशका बाँकी क्षेत्रहरूमा मनसुनी वायुका साथै पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।