अमेरिकी मध्यावधि चुनावमा रिपब्लिकन पार्टीले ऐतिहासिक हार बेहोरेपछि इरान युद्धलाई लिएर बहस तीव्र बनेको छ।
चुनावी नतिजा स्पष्ट भएपछि संयुक्त राष्ट्रसंघका लागि इजरायलका राजदूत ड्यानी ड्यानोनले इरान युद्धका लागि अमेरिकालाई जिम्मेवार ठहर गरेका छन्।
उनले भनेका छन्, ‘इरानमाथि आक्रमण गर्ने निर्णय अमेरिकाको थियो। यो हाम्रो निर्णय थिएन।’
यद्यपि, उनले इजरायलले युद्धलाई समर्थन गरेको र यो सही निर्णय भएको आफूहरूलाई लागेको बताएका छन्।
यी चुनावमा सिनेटर पदमा निर्वाचित डेमोक्र्याट नेता अब्दुल अल–सईदबारे एक टेलिभिजन च्यानलसँगको अन्तर्वार्तामा ड्यानोनले भने, ‘उनी इजरायलमा जे भइरहेको भए पनि इजरायलको विरोध गर्ने व्यक्ति हुन्। गाजामा युद्धविराम भए पनि उनको धारणा परिवर्तन हुने छैन। उनी यहूदीविरोधी हुन्, त्यसैले उनीसँग काम गर्न निकै कठिन हुनेछ।’
उनले थप भने, ‘मेरो विचारमा डेमोक्र्याटिक पार्टीले चरमपन्थी धारणा अपनाउनुको सट्टा मध्यमार्गबाट नेतृत्व गर्नुपर्ने कुरा बुझ्छ।’
बुधबार सार्वजनिक भएको चुनावी नतिजाअनुसार डेमोक्र्याटिक पार्टीले अमेरिकी सिनेट र प्रतिनिधिसभा दुवैमा बहुमत हासिल गरेको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।