एक करोड ५० लाख रुपैयाँ बिगो रहेको बैंकिङ कसुर मुद्दाका फरार प्रतिवादी पक्राउ परेका छन्।
जिल्ला प्रहरी परिसर काठमाडौंका अनुसार बाँकेको नेपालगञ्ज उपमहानगरपालिका-२ घर भएका ४२ वर्षीय दिपेन्द्र शाही पक्राउ परेका हुन्। उनलाई काठमाडौं महानगरपालिका-१० बुद्धनगरबाट शनिबार राति करिब ९ बजे पक्राउ गरिएको हो। प्रहरी वृत्त बानेश्वरबाट खटिएको टोलीले उनलाई नियन्त्रणमा लिएको थियो।
जिल्ला प्रहरी कार्यालय बाँकेका अनुसार शाहीविरुद्ध एक करोड ५० लाख रुपैयाँ बिगो रहेको बैंकिङ कसुर मुद्दा छ। उनलाई आवश्यक कारबाहीका लागि जिल्ला प्रहरी कार्यालय बाँके पठाइएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।