गोकर्णेश्वर नगरपालिका-३ गाम्चामा प्रहरीमाथि धारिलो हतियारले आक्रमण गरेर भाग्न खोजेको आरोपमा एक जनालाई प्रहरीले गोली प्रहार गरी नियन्त्रणमा लिएको छ।
जिल्ला प्रहरी परिसर काठमाडौंका अनुसार बिहीबार साँझ करिब साढे ६ बजे ३१ वर्षीय सुजन तामाङलाई नियन्त्रणमा लिइएको हो।
विज्ञापन
प्रहरीका अनुसार तामाङले सस्तोमा डलर साटिदिने भन्दै मानिसहरूलाई ठगी तथा लुटपाट गर्ने गरेको प्रारम्भिक अनुसन्धानबाट खुलेको छ। उनीमाथि डलर र सुनसँग सम्बन्धित ठगी तथा लुटपाटको आरोपमा अनुसन्धान भइरहेको प्रहरीले जनाएको छ।
प्रहरीमाथि धारिलो हतियारले आक्रमण गरेपछि नियन्त्रणमा लिने क्रममा प्रहरीले हवाई फायर गरेको थियो। त्यसपछि भाग्न खोजेपछि तामाङको घुँडामुनि गोली प्रहार गरी नियन्त्रणमा लिइएको प्रहरीले जनाएको छ।
घटनाबारे थप अनुसन्धान भइरहेको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।