काठमाडौंमा चोरी भएको माइक्रोबससहित दुई जना पक्राउ परेका छन्। प्रहरी वृत्त स्वयम्भूबाट खटिएको टोलीले धादिङको गल्छी गाउँपालिका–६ घर भई हाल काठमाडौंको कलङ्की बस्ने बाबुराम तामाङ र सिन्धुलीको लखनपुर घर भई काठमाडौंको स्वयम्भू बस्ने विशाल लामालाई पक्राउ गरेको हो।
प्रहरीका अनुसार बा १ ज ९८०५ नम्बरको माइक्रोबस गत कात्तिक २९ गते नागार्जुन नगरपालिका–बाफलबाट हराएको थियो। माइक्रोबस हराएपछि परेको उजुरीका आधारमा प्रहरीले खोजी तथा अनुसन्धान अघि बढाएको थियो।
सोही क्रममा मंसिर २ गते कलङ्कीबाट चोरी भएको माइक्रोबस बरामद गरिएको प्रहरीले जनाएको छ। माइक्रोबस चोरीमा संलग्न रहेको आरोपमा तामाङ र लामालाई पक्राउ गरिएको हो।

पक्राउ परेका दुवै जनालाई जिल्ला अदालत काठमाडौंबाट पाँच दिनको म्याद थप गरी अनुसन्धान भइरहेको जिल्ला प्रहरी परिसर काठमाडौंले जनाएको छ।


प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।