विविध

जब प्रहरीले गलत व्यक्तिलाई दियो ‘गार्ड अफ अनर’!

भारतको उत्तर प्रदेशस्थित सहारनपुरमा प्रहरीले सर्वोच्च अदालतका न्यायाधीशलाई दिनुपर्ने ‘गार्ड अफ अनर’ (सम्मान गारद) गल्तीले सांसद असदुद्दिन ओवैसीलाई दिएको छ।

स्थानीय सञ्चारमाध्यमका अनुसार शनिबार भएको यो घटनापछि प्रहरीले आन्तरिक छानबिन सुरु गरेको छ।

सहारनपुरस्थित सर्किट हाउसमा सर्वोच्च अदालतका एक न्यायाधीशको आगमनका लागि प्रहरी टोली औपचारिक सम्मान गारद दिन तयारी अवस्थामा थियो। त्यही समयमा अल इन्डिया मजलिस-ए-इत्तेहादुल मुस्लिमिन (एआईएमआईएम) का प्रमुख ओवैसी आफ्नो सवारीसहित त्यहाँ पुगे। प्रहरी टोलीले उनको सवारीलाई न्यायाधीशको सवारी ठानेर सम्मान गारद दिएको बताइएको छ।

विज्ञापन

प्रहरीले सम्मान दिन थालेपछि ओवैसी केहीबेर रोकिएर सलामी ग्रहण गरेका थिए। पछि मात्रै प्रहरीले आफूले गलत व्यक्तिलाई सम्मान दिएको थाहा पाएको थियो।

घटनाबारे ओवैसीले आफूलाई किन सम्मान गारद दिइयो भन्ने थाहा नभएको बताएका छन्। प्रहरी टोलीले उभिन भनेपछि आफू त्यसैअनुसार उभिएको उनको भनाइ छ।

सहारनपुरका वरिष्ठ प्रहरी उपरीक्षकले घटनाको छानबिन गर्न प्रहरी उपरीक्षक (ग्रामीण) लाई निर्देशन दिएका छन्। छानबिनबाट प्राप्त तथ्य र प्रमाणका आधारमा नियमानुसार कारबाही गरिने प्रहरीले जनाएको छ।

ओवैसी आजाद समाज पार्टी (कांशीराम) का प्रमुख चन्द्रशेखर आजादसँगै आगामी सन् २०२७ को उत्तर प्रदेश विधानसभा निर्वाचनको तयारीका क्रममा सहारनपुर पुगेका थिए। उनीहरूबिच संयुक्त राजनीतिक मोर्चा बनाएर चुनावमा सहभागी हुने तयारी छ।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

विविध बाट थप

थप — विविध

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।