चैत ६, बैतडी । बैतडीको दोगडाकेदार गाउँपालिका–७ का वडा अध्यक्ष भरत महरालाई महिलासँग शंकास्पद रुपमा भेटिएपछि प्रहरीले नियन्त्रणमा लिएको छ ।
खोचलेकको एक होटलमा महिलासँग शंकास्पद रुपमा भेटिएका महरा र महिलालाई नियन्त्रणमा लिइएको बैतडीका प्रहरी प्रमुख प्रहरी नायब उपरीक्षक नारायणप्रसाद अधिकारीले जानकारी दिए।
दुवैजनालाई शुक्रबार बिहान ३ बजे होटलबाट नियन्त्रणमा लिईएको प्रहरी नायब उपरीक्षक अधिकारीले बताए। उनीहरु एउटै कोठामा रहेको भन्दै वडा अध्यक्षकी श्रीमतीले प्रहरीलाई खबर गरेकी हुन्।
शंकास्पद रुपमा भेटिएका दुवैजनालाई सदरमुकाम ल्याइन लागिएको प्रहरी नायब उपरीक्षक अधिकारीले बताए। ‘दुवैजनालाई एउटै कोठाबाट नियन्त्रणमा लिएका हौं,’ उनले भने, ‘जिल्ला ल्याइँदंछ, थप बुझ्छौं। अहिले नै सबै कुरा भन्न सकिने अवस्था छैन। पार्टीको काम भएकाले सँगै कोठामा बसेको भन्ने छ।’
वडाअध्यक्ष महरा नेकपा एमालेबाट स्थानीय तहको निर्वाचनमा निर्वाचित हुन्।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम