समाज

भ्रष्टाचारीलाई हराउने अभियान चलाउँदै प्रेमध्वज

भ्रष्टाचारविरोधी अभियन्ता प्रेमध्वज लामाले आगामी स्थानीय निर्वाचनमा भ्रष्टाचारीलाई हराउन भक्तपुर र काभ्रेमा अभियान सञ्चालन गर्ने घोषणा गरेका छन्।

भ्रष्टाचारमुक्त समाज निर्माण गर्ने उद्देश्यसहित निर्वाचनमा सक्रिय भूमिका निर्वाह गर्ने प्रतिबद्धता उनले व्यक्त गरेका छन्। काभ्रेको नमोबुद्ध घर भई हाल भक्तपुरमा रहेका लामाले निर्वाचनलाई सुशासन, पारदर्शिता र भ्रष्टाचारविरुद्धको अभियानसँग जोड्ने बताएका छन्।

स्थानीय तहमा हुने गतिविधि, निर्णय र कामकारबाहीलाई पारदर्शी तथा जनउत्तरदायी बनाउन नागरिकको भूमिका महत्वपूर्ण हुने उनको भनाइ छ। निर्वाचनका क्रममा भ्रष्टाचार, अनियमितता र जनहितविपरीतका गतिविधिविरुद्ध आवाज उठाउनुपर्ने उनले बताएका छन्।

विज्ञापन

उनको सार्वजनिक सन्देशमा ‘समाजको हित, राष्ट्रको समृद्धि हाम्रो प्रतिबद्धता’ भन्ने नारालाई प्राथमिकता दिइएको छ। भक्तपुर र काभ्रेलाई आफ्नो कार्यक्षेत्रका रूपमा उल्लेख गरेका लामाले आगामी निर्वाचनमा प्रत्यक्ष वा अप्रत्यक्ष रूपमा भूमिका निर्वाह गर्ने बताएका छन्।

उनले आगामी निर्वाचनमा आफैं उम्मेदवार नबन्ने स्पष्ट पारेका छन्। भ्रष्टाचारी पार्टी र तिनका उम्मेदवारलाई हराई स्वच्छ छविका जुनसुकै पार्टी तथा स्वतन्त्र उम्मेदवारलाई समर्थन गर्ने उनले बताएका छन्।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

समाज बाट थप

थप — समाज

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।