अर्थतन्त्र

कच्चा दूधको मूल्य प्रतिलिटर ७५ रुपैयाँ पुर्‍याउन माग

बजारमा दाना चोकरको मूल्य बढेसँगै चितवनका किसानले कच्चा दूधको मूल्य प्रतिलिटर ७५ रुपैयाँ पुर्‍याउन माग गरेका छन्।

चितवन जिल्ला दुग्ध उत्पादक सहकारी सङ्घले सोमबार पत्रकार सम्मेलन गरी हाल चार फ्याट र आठ एसएनएफ भएको दूधको मूल्य प्रतिलिटर ६५ रुपैयाँबाट बढाएर ७५ रुपैयाँ पुर्‍याउन माग गरेको हो।

सङ्घका अध्यक्ष किशोर बगालेले विसं २०७९ मा समायोजन भएयता दूधको मूल्य वृद्धि नभएको बताए। सामान्य अवस्थामा दूधको लागत मूल्य प्रतिलिटर ५५ देखि ६० रुपैयाँ पर्ने गरेकोमा अहिले दाना चोकरको मूल्य बढेपछि लागतसमेत वृद्धि भएको उनले जानकारी दिए।

विज्ञापन

‘दसैंअघिदेखि दूधको मूल्य वृद्धि गर्न माग गरिएकोमा अहिलेसम्म पनि वृद्धि हुन सकेको छैन,’ बगालेले भने। सङ्घले मूल्य वृद्धिको माग गर्दै सरोकारवाला निकायमा भेट गरी ध्यानाकर्षण गराएको उनले बताए।

जिल्लामा हाल दैनिक तीन लाख ५५ हजार लिटर दूध उत्पादन हुँदै आएको छ। उत्पादित दूधमध्ये ५५ प्रतिशत बाहिरी जिल्लामा जाने गरेको छ भने ११५ दुग्ध उत्पादक सहकारीमार्फत दूध सङ्कलन गरी बजारमा पुर्‍याउने गरिएको छ।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

अर्थतन्त्र बाट थप

थप — अर्थतन्त्र

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।