नेपाल प्रिमियर लिग (एनपिएल) सिजन ३ को पहिलो क्वालिफायरमा १०६ रनको लक्ष्य पछ्याइरहेको लुम्बिनी लायन्सले ८.१ ओभरमा ५० रन पूरा गरेको छ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा २ विकेट गुमाएर ५० रन जोडेको लुम्बिनीलाई सोझै फाइनल प्रवेशका लागि अब ७१ बलमा ५६ रन आवश्यक छ।
सुरुवाती दुई विकेट सस्तैमा गुमाएको लुम्बिनीको इनिङ्स निरोशन डिकवेला र कप्तान रोहित पौडेलले सम्हालेका छन्। आक्रामक ब्याटिङ गरिरहेका डिकवेलाले १४ बलमा ३ चौका र १ छक्कासहित २३ रन बनाएका छन् भने रोहितले २५ बलमा १ चौकाको मद्दतमा २० रन जोडेका छन्।

यसअघि लुम्बिनीले इनिङ्सको तेस्रो बलमै ओपनर डार्सी सर्टलाई शून्य रनमा गुमाएको थियो । सर्टलाई स्कट कुगेलेइनले बोल्ड गरेका थिए।
३.२ ओभरमा २४ रनको स्कोरमा अर्का ओपनर आसिफ शेख ४ रन बनाएर हेमन्त धामीको बलमा दीपेन्द्र सिंह ऐरीबाट क्याच आउट भए।
सुदूरपश्चिमका लागि कुगेलेइन र धामीले १-१ विकेट लिएका छन् ।


प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।