गृह मन्त्रालयले सशस्त्र प्रहरी अतिरिक्त महानिरीक्षक (एआइजी) वंशीराज दाहाललाई निलम्बन गरेको छ।
सुरक्षासँग सम्बन्धित संवेदनशील सूचना चुहावट गरी पदीय आचरणविपरीत कार्य गरेको आरोपमा सशस्त्र प्रहरी बल, नेपालले दाहालमाथि कारबाहीका लागि गृह मन्त्रालयसमक्ष सिफारिस गरेको थियो।
उक्त आरोपमाथि आवश्यक छानबिन गर्न मन्त्रालयले असोज १९ गतेको निर्णयअनुसार दाहाललाई निलम्बन गर्दै जाँचबुझ अधिकृतसमेत तोकेको छ। मन्त्रालयले तीन दिनभित्र छानबिन पूरा गरी प्रतिवेदन पेस गर्न निर्देशन दिएको जनाएको छ।
गृह मन्त्रालयले मातहतका कर्मचारीबाट हुने पदीय आचरणविपरीतका गतिविधि, संवेदनशील तथा गोप्य सूचनाको चुहावट र शान्ति सुरक्षामा प्रतिकूल असर पार्न सक्ने गतिविधिमाथि निगरानी तथा विश्लेषण भइरहेको जनाएको छ।
मन्त्रालयले कानूनविपरीतका गतिविधि वा घटनामा संलग्न जोसुकै भए पनि प्रचलित कानूनअनुसार कारबाही गरिने स्पष्ट पारेको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।