पोखरा एभेन्जर्सका युवराज सिंह सम्राले नेपाल प्रिमियर लिग (एनपीएल)मा कर्णाली याक्सविरुद्ध विस्फोटक अर्धशतक प्रहार गरेका छन्।
सोमबार त्रिवि क्रिकेट मैदानमा भइरहेको खेलमा क्यानडाका ओपनरसमेत रहेका सम्राले मात्र २३ बलमा ६ चौका र २ छक्काको मद्दतमा ५० रन पूरा गरेका हुन्। एनपीएलमा दोस्रो खेल खेलिरहेका उनले पहिलोपटक अर्धशतक प्रहार गरेका हुन्।
यस सिजन पोखरा एभेन्जर्सका लागि कुनै पनि खेलाडीले बनाएको यो पहिलो अर्धशतकसमेत हो।
विज्ञापन
सम्राले पहिलो विकेटका लागि महेअी असनसँग २७ रनको साझेदारी गरेका थिए। त्यसपछि दोस्रो विकेटका लागि कुशल भुर्तेलसँग अर्धशतकीय साझेदारी गर्दै उनले पोखराको इनिङ्सलाई बलियो आधार दिएका छन्।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।