समाज

बाँकेका दुग्ध किसान मर्कामा

बाँकेमा अवैध बाटोबाट दूध भित्रिने क्रम नरोकिँदा नेपाली किसान मर्कामा पर्दै आएका छन्।

नेपालगन्ज लगायत आसपासका ग्रामीण बजारमा अवैध बाटोबाट दूध भित्रिनेक्रम नरोकिएकाले किसान मर्कामा परेका हुन्। दुग्ध व्यवसायी सङ्घ बाँकेका अध्यक्ष दीपकराज भण्डारीले अवैध बाटोबाट दूध भित्रिनक्रम नरोकिएकाले नेपाली किसान मर्कामा परेको बताए।

नेपालगन्ज उपमहानगरपालिका, खजुरा, जानकी, नरैनापुर र डुडुवा गाउँपालिकामा खुलेआम अवैध बिक्रीवितरण हुने गरेको छ। नेपाल–भारत मुख्य नाका जमुनाहबाट अवैध दूध आयातमा रोक लगाइए पनि ग्रामीण नाकाबाट अवैध दूध भित्रिने गरेको छ।

विज्ञापन

बाँके जिल्ला दूध उत्पादनमा आत्मनिर्भर भएको हुँदा भारतबाट अवैध रूपमा आउने कच्चा दूध तथा दुग्धजन्य पदार्थले राजस्व चुहावट हुनुका साथै यहाँका किसानले उत्पादन गरेको दूध बिक्री नहुने अवस्था आएकाले नेपाल भित्रिने दूध तथा दुग्धजन्य पदार्थ तत्काल रोक्नुपर्ने अध्यक्ष भण्डारीले बताए।

गुणस्तरहीन दूध सस्तो दरमा बिक्रीवितरण हुन थालेपछि स्थानीय किसानको दूधले बजार पाउन नसकेको डुडुवा गाउँपालिका–५ कम्दीका अगुवा सूर्यलाल यादवले बताए।

“कम्दीका किसानको मुख्य आयस्रोत दूध बिक्री हो, यहाँका प्रत्येक घरबाट दूध बेच्ने गरिएको छ”, यादवले भने, “कम्दी गाउँमा मात्रै करिब दुई हजार भैँसी पालिएको छ तर पछिल्लो समय दूध बिक्रीवितरण नहुँदा समस्या बढ्दै गएको छ।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

समाज बाट थप

थप — समाज

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।