सामाजिक सञ्जाल टेलिग्राम र एक्समार्फत महिलालाई दुःख दिएको आरोपमा प्रहरीले दुई जनालाई पक्राउ गरेको छ।
नेपाल प्रहरी साइबर ब्युरोका अनुसार प्रेम सम्बन्धका क्रममा खिचिएका तस्बिर तथा भिडियो टेलिग्राममार्फत सार्वजनिक गरेको आरोपमा इलामका २९ वर्षीय विकल्प राई पक्राउ परेका छन्।
त्यस्तै, एक्समार्फत महिलाका निजी तस्बिर तथा भिडियो आफूसँग रहेको भन्दै सार्वजनिक गर्ने धम्की दिएको आरोपमा सिन्धुपाल्चोकका ३० वर्षीय सुजन पाण्डे पक्राउ परेका छन्।
ब्युरोका प्रवक्ता एवं सूचना अधिकारी प्रहरी उपरीक्षक दीपक राज अवस्थीका अनुसार दुवै जनालाई बिहीबार काठमाडौंका छुट्टाछुट्टै स्थानबाट पक्राउ गरिएको हो।
उनीहरूमाथि विद्युतीय कारोबार ऐन, २०६३ अन्तर्गत अनुसन्धान भइरहेको छ। काठमाडौं जिल्ला अदालतबाट राईविरुद्ध पाँच दिन र पाण्डेविरुद्ध चार दिनको म्याद थप गरिएको साइबर ब्युरोले जनाएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।