कास्कीको पोखरा महानगरपालिका–२८ कालिकास्थानमा स्कुल बस दुर्घटना भएको छ। सौर्यमाझठानाबाट कालिकास्थानतर्फ आउँदै गरेको ग २ ख १४१७ नम्बरको बस सडकबाट करिब २०० मिटर तल खसेको हो।
प्रारम्भिक विवरणअनुसार दुर्घटनाका बेला बसमा करिब २१ जना विद्यार्थी सवार थिए। घटनालगत्तै नेपाल प्रहरीले उद्धार कार्य सुरु गरेको छ।
उद्धार गरिएका पाँच जनालाई उपचारका लागि पश्चिम क्षेत्रीय अस्पताल पठाइएको छ। दुर्घटनामा अन्य विद्यार्थीको अवस्था र घाइतेको संख्याबारे विस्तृत विवरण आउन बाँकी छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।