दसैंका बेला यात्रुहरूको सहज आवागमनलाई ध्यानमा राख्दै नारायणगढ-काठमाडौं सडकखण्डमा ट्रेलर लगायतका ठूला मालवाहक सवारीसाधन सञ्चालनमा रोक लगाइने भएको छ।
यातायात व्यवस्था विभागमा आज बसेको सरोकारवालाहरूको बैठकले घटस्थापनादेखि पूर्णिमासम्म अर्थात् २५ असोजदेखि ८ कात्तिकसम्म सो रुटमा ठूला मालवाहक सवारी चलाउन नदिने निर्णय गरेको हो।
दसैंको समयमा यात्रुवाहक सवारीको अत्यधिक चाप हुने भएकाले जाम र सम्भावित दुर्घटना न्यूनीकरण गर्न यस्तो व्यवस्था गरिएको विभागले जनाएको छ।
विज्ञापन
तर, खाद्य सामग्री, औषधि, फलफूल तथा अन्य अत्यावश्यक वस्तु ढुवानी गर्ने सवारीसाधन भने निर्वाध रूपमा गुड्न पाउने निर्णयमा उल्लेख छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।