अपराध

९ जिल्लाबाट लागूऔषधसहित एकैदिन २० जना पक्राउ

प्रहरीले देशका विभिन्न ९ जिल्लाबाट अवैध लागूऔषधसहित २० जनालाई पक्राउ गरेको छ।

पक्राउ पर्नेमा भारतीय नागरिकसमेत छन् भने उनीहरूको साथबाट खैरो हेरोइन, ब्राउनसुगर, हजारौँ थान नियन्त्रित औषधि, गाँजा, नगद र ६ वटा मोटरसाइकल बरामद गरिएको छ।

सबैभन्दा बढी परिमाणको खैरो हेरोइन जस्तो देखिने पदार्थ मोरङको सीमा क्षेत्रबाट बरामद भएको छ। रंगेली नगरपालिका-४ चोप्राहा बोर्डरबाट सोमबार बेलुकी २९ ग्राम ४ सय ८० मिलिग्राम खैरो हेरोइन जस्तो देखिने पदार्थसहित भारत बिहार अररिया बोका मोजदार-२ मुस्लिम टोलका ४५ वर्षीय रघुनाथ पासवानसमेत ३ जनालाई कोशी प्रदेश प्रहरी कार्यालय विराटनगरसमेतको टोलीले पक्राउ गरेको हो।

विज्ञापन

त्यस्तै, चितवनको भरतपुर महानगरपालिका-११ मनकामना टोलबाट सोमबार दिउँसो नियन्त्रित लागूऔषध ट्रामाडोल २ हजार ४ सय १० ट्याब्लेट, ऐनारगन २ हजार ५ सय ट्याब्लेट र नगद ४९ हजार ७ सय ९० रुपैयाँसहित ४ जना पक्राउ परेका छन्।

अस्थायी प्रहरी पोष्ट भोजाडबाट खटिएको प्रहरीले भरतपुर-२५ का ३० वर्षीय निरज क्षेत्री र २५ वर्षीय अजित विक तथा भरतपुर-११ का ३४ वर्षीय बिजय कुमाल र ३९ वर्षीय बसन्त लामालाई नियन्त्रणमा लिएको हो।

उनीहरूले प्रयोग गरेका प्रदेश ३-०३-००१प ६५५४, बागमती प्रदेश ०२-०२९ प ७४९५ र बा.प्र.०३-००५ प ५३९ नम्बरका मोटरसाइकलसमेत बरामद भएका छन्।

कञ्चनपुरको लालझाडी गाउँपालिका-६ चान्देउबाट सोमबार दिउँसो १९ ग्राम ६ सय ८० मिलिग्राम खैरो हेरोइनसहित भीमदत्त नगरपालिका-१६ का २५ वर्षीय डेविट चौधरी र ३४ वर्षीय नरेन्द्र डगौला पक्राउ परेका छन्।

लागूऔषध नियन्त्रण ब्यूरो शाखा कार्यालय धनगढी कैलालीको टोलीले उनीहरू सवार म.२ प ३३४५ नम्बरको मोटरसाइकलसमेत बरामद गरेको छ।

सोही दिन दिउँसो लालझाडी गाउँपालिका-६ बाटै ६ ग्राम ६ सय ८० मिलिग्राम खैरो हेरोइन जस्तो देखिने पदार्थसहित कृष्णपुर नगरपालिका-२ बंकका २६ वर्षीय दिपक कठायत र २३ वर्षीय दिपश्री पाल पक्राउ परेका छन्।

ब्यूरो धनगढीसमेतको प्रहरी टोलीले बा.४८ प ७७७१ नम्बरको मोटरसाइकलमा सवार उनीहरूलाई पक्राउ गरेको हो।

झापाको बिर्तामोड नगरपालिका-८ बाट सोमबार साँझ ४ ग्राम २ सय २० मिलिग्राम खैरो हेरोइन जस्तो देखिने पदार्थसहित सोही ठाउँका ३३ वर्षीय राज कुमार चौधरीलाई इलाका प्रहरी कार्यालय अनारमनीसमेतको टोलीले पक्राउ गरेको छ।

यस्तै, मकवानपुरको हेटौंडा उपमहानगरपालिका-११ स्मारक रोडबाट सोमबार बेलुकी २ सय ८० मिलिग्राम खैरो हेरोइन जस्तो देखिने पदार्थ र नगद १० हजार रुपैयाँसहित हेटौंडा-९ का ३३ वर्षीय किरण तिवारीलाई जिल्ला प्रहरी कार्यालय मकवानपुरसमेतको प्रहरीले पक्राउ गरेको छ।

सुनसरीमा सोमबार तीन छुट्टाछुट्टै स्थानबाट ४ जना पक्राउ परेका छन्। कोशी गाउँपालिका-१ लौकहीबाट दिउँसो १ ग्राम ७ सय ७० मिलिग्राम ब्राउनसुगर जस्तो देखिने पदार्थसहित इटहरी उपमहानगरपालिका-७ का २२ वर्षीय विज्ञान विष्ट र २६ वर्षीय उपेन्द्र चौधरीलाई इलाका प्रहरी कार्यालय लौकहीले पक्राउ गरेको हो।

यसैगरी, धरान उपमहानगरपालिका-८ गैरीगाउँबाट साँझ ५ सय २० मिलिग्राम ब्राउनसुगर जस्तो देखिने पदार्थसहित सोही ठाउँका २१ वर्षीय अनिश धामीलाई अस्थायी प्रहरी चौकी बरगाछीले पक्राउ गरेको छ।

धरान-८ दुर्गापथबाट बेलुकी ट्रामोल १ सय ८५ ट्याब्लेट, स्पास्पेन १ सय ८५ ट्याब्लेट र नगद ९ हजार ५ सय रुपैयाँसहित धरान-११ बाँधडाँडाका २७ वर्षीय समिर माझीलाई कोशी प्रदेश प्रहरी कार्यालय विराटनगरसमेतको टोलीले नियन्त्रणमा लिएको छ।

दाङको तुलसीपुर उपमहानगरपालिका-५ रानिजरुवाका २५ वर्षीय टिकाराम विकलाई सोमबार दिउँसो घर तलासीका क्रममा १ ग्राम १ सय २० मिलिग्राम ब्राउनसुगर जस्तो देखिने पदार्थसहित इलाका प्रहरी कार्यालय तुलसीपुरले पक्राउ गरेको छ।

कैलालीको भजनी नगरपालिका-३ सरदार चोकबाट सोमबार दिउँसो ९ सय २० मिलिग्राम ब्राउनसुगर जस्तो देखिने पदार्थ र बा.४२ प २३४८ नम्बरको मोटरसाइकलसहित लम्कीचुहा नगरपालिका-५ का ३२ वर्षीय प्रकाश शाहीलाई ब्यूरो धनगढीसमेतको प्रहरीले पक्राउ गरेको छ।

ललितपुरको गोदावरी नगरपालिका-८ बागमती पुल नजिकबाट सोमबार दिउँसो ३ सय ४० ग्राम गाँजासहित ललितपुर महानगरपालिका-२१ सानो खोकनाका २९ वर्षीय सजल महर्जनलाई प्रहरी प्रभाग फर्सिडोलको टोलीले पक्राउ गरेको छ।

पक्राउ परेका सबैमाथि आवश्यक अनुसन्धान भइरहेको प्रहरीले जनाएको छ।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

अपराध बाट थप

थप — अपराध

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।