किसानको खेतदेखि उद्योगसम्म जोड्ने प्रणाली खोइ?

एउटा फिड उद्योगले आफ्नो कच्चा पदार्थको आपूर्तिका लागि किसानलाई उत्पादनसँग जोड्ने सोच राख्नु आफैँमा सकारात्मक व्यावसायिक अवधारणा हो। किसानले बजार खोज्दै भौँतारिनुपर्ने अवस्था कम गर्ने र उद्योगले कच्चा पदार्थ खोज्दै भौँतारिनुपर्ने समस्या घटाउने यस्तो सहकार्यले कृषि र उद्योगबीचको सम्बन्धलाई नयाँ उचाइ दिन सक्छ।