कात्तिक २५, काठमाडौं । सत्तारुढ दल नेकपा एसको विद्यार्थी संगठन अनेरास्ववियुले पेट्रोलियम पदार्थमा गरिएको मूल्यवृद्धि खारेज गर्न माग गरेको छ।
अध्यक्ष सुदेश पराजुलीले एक विज्ञप्ति जारी गर्दै आफूहरुले उठाएको माग सम्बोधन नगरिएमा आन्दोलन गर्न बाध्य हुने बताएका छन्।
‘हिजोमात्रै पेट्रोल, डिजेल, मट्टितेल र खाना पकाउले ग्यासमा भएको मूल्य वृद्धिले आम जनताको ढाड सेक्ने काम भएको छ। निरन्तर रुपमा भइरहेको मूल्य वृद्धि अत्याचारको पराकाष्टा हो,’ विज्ञप्तिमा भनिएको छ, ‘यस्ता जनविरोधी कदमको अनेरास्ववियु घोर भत्संना गर्दै शृखलाबद्ध रुपमा भइरहेको मूल्य वृद्धि तत्काल खारेज गर्न जोडदार माग गर्दछ।’
नेपाल आयल निगमले बुधबार राति देखि लागू हुने गरी पेट्रोल, डिजेल, मट्टितेलसहित खाना पकाउने ग्यासमा मूल्यबृद्धि गरेको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम