कात्तिक २२, काठमाडौं । तिहारपछि बजार खुलेको पहिलो दिन शेयर बजारमा दोहोरो अंकले गिरावट आएको छ ।
सोमवार नेप्से परिसूचक १९.२० अंकले घट्दै २८२९.६४ विन्दुमा झरेको छ । यस दिन सेन्सेटिभ परिसूचक २.७१ अंकले घट्दै ५२८.३७ विन्दुमा झरेको छ । सोमवार २ सय ३० कम्पनीको ७२ लाख ७ हजार ३९६ कित्ता शेयर ४ अर्ब ४२ करोड ७ लाख १९ हजार १ सय ३ रुपैयाँ बराबरमा खरिदबिक्री भएको छ ।
यस दिन फाइनान्स, मुचुअल पण्ड, इन्भेष्टमेन्ट समूहबाहेक अन्य सबै समूहको सूचकमा गिरावट आएको छ ।
साहस उर्जा लिमिटेड, आईसीएफसी फाइनान्स लिमिटेडको शेयर मूल्य १० प्रतिशतले वृद्धि भएका छन् । यी दुई कम्पनीको शेयर कारोबारमा सकारात्मक सर्किट लागेको छ ।
यस्तै तेह्रथुम पावर कम्पनी लिमिटेडको शेयर मूल्य ९.९९ प्रतिशतले र मानुषी लघुवित्त वित्तीय संस्था लिमिटेडको ९.९९ प्रतिशतले शेयर मूल्य बढेको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम