भदौ ३०, काठमाडौं । कक्षा १२ को वार्षिक परीक्षा आज बुधबारदेखि सञ्चालन हुँदै छ। पहिलो दिन आज अनिवार्य अंग्रेजी विषयको परीक्षा हुँदै छ।
परीक्षा बिहान ११ बजे सुरु हुनेछ, दिउँसो २ बजे सकिनेछ। असोज ८ सम्म सञ्चालन हुने परीक्षामा ३ लाख ७४ हजार परीक्षार्थी सहभागी हुँदै छन्। परीक्षार्थीका लागि होम सेन्टर व्यवस्था गरिएको छ। जसअनुसार ४ हजार ३१५ वटा परीक्षा केन्द्र तोकिएका छन्।
कोराना महामारीका कारण यस वर्ष कक्षा १२ को परीक्षा ४ महिना ढिला भएको हो। गत जेठमै हुनुपर्ने परीक्षा साउन ३१ का लागि सारिएको थियो, कोरोना जोखिम नघटेकाले फेरि परीक्षाको मिति धकेलिएको हो।
परीक्षा बोर्डका अनुसार धेरैजसो विद्यार्थीले कोरोनाविरुद्ध खोप लगाइसकेको र संक्रमण पनि कम हुँदै गएकाले परीक्षा सञ्चालन गर्ने निर्णय गरिएको हो।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम