साउन २१, एजेन्सी । विश्व स्वास्थ्य संगठन डब्लुएचओले कम्तीमा आउँदो सेप्टेम्बरको अन्त्यसम्म कोरोना भाइरसविरुद्धको खोपको बुस्टर अर्थात थप मात्रा नलगाउन आग्रह गरेको छ ।
विकसित देशका नागरीकले खोपको पूर्ण मात्रा लगाएकाहरुलाई थप सुरक्षाका लागि बुस्टर मात्रा लगाउने योजना अगाडी सारेसँगै डब्लुएचओले तत्कालका लागि यो अभियान रोक्न आग्रह गरेको हो ।
डब्लुएचओका महानिर्देशक डा. टेडरोज आध्यनोम गेब्रेयेसोसले विश्वका गरिब देशहरुमा अहिले खोपको अभाव रहेको र उनीहरु निकै पछि परेको अवस्थामा धनी देशहरुले पूरा मात्रा लगाएकाहरुलाई थप मात्रा खोप दिने योजना सान्दर्भिक नहुने बताए ।
उनले सेप्टेम्बरको अन्त्यसम्ममा बुस्टर मात्राको योजनालाई रोकिँदा विश्वका सबै देशमा कम्तीमा १० प्रतिशत मानिसले कोरोना भाइरस विरुद्धको खोप लगाउन पाउने बताउनुभएको अन्तर्राष्ट्रय संचारमाध्यमहरुले जनाएका छन् ।
यसो गरिँदो खोपको पहुँचमा धनी र गरिब देशबिच रहेको असमानता कम हुने डब्लुएचओको भनाई छ । इजरायल र जर्मनीसहितका देशले खोपको पूर्ण मात्रा लगाएका आफ्ना नागरिकलाई बुस्टर मात्राका रुपमा खोपको तेस्रो खुराक दिने योजना सार्वजनिक गरेसँगै डब्लुएचओले यस्तो आग्रह गरेको हो ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम