३ असार, जनकपुरधाम । प्रदेश २ को अस्थायी राजधानी जनकपुरधाममा एक सय बेडको कोरोना विशेष अस्पताल सञ्चालनमा आएको छ ।
मुजेलियास्थित मणिपाल शिक्षण अस्पतालको खाली रहेको भवनभित्र बनाइएको सय बेडको कोरोना अस्पतालको बिहीबार मुख्यमन्त्री लालबाबु राउत र सामाजिक विकासमन्त्री नवलकिशोर साहले संयुक्त रुपमा उद्घाटन गरे ।
अस्पतालको उद्घाटन गर्दै मुख्यमन्त्री राउतले यहाँ तत्काल कोरोना संक्रमितको उपचार सुरु गर्ने भए पनि अन्य विशेषज्ञ सेवा पनि चाँडै शुभारम्भ गरिने बताए ।
मुख्यमन्त्री राउतले शिक्षण अस्पताल सञ्चालनका लागि सरकारबाट जग्गा लिजमा लिएका मणिपालले दशकौं बितिसक्दा समेत अस्पताल सञ्चालन गर्न नसकेकाले लिज खारेजी गराई उक्त जग्गा मधेश स्वास्थ्य विज्ञान प्रष्ठिान मातहत ल्याउने पहल सुरु गरिएको बताए ।
कार्यक्रममा सामाजिक विकासमन्त्री साहले प्रदेश सरकारको गौरवको योजनामा रहेको मधेश स्वास्थ्य विज्ञान प्रतिष्ठान स्वास्थ्य उपचारको क्षेत्रमा मुलुककै नमुना बन्ने विश्वास व्यक्त गरे ।
उक्त कोरोना विशेष अस्पताल मधेश स्वास्थ्य विज्ञान प्रतिष्ठान मातहत रहनेछ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम