१३ जेठ, सुर्खेत । कर्णाली प्रदेशका विभिन्न अस्पतालमा उपचारका क्रममा थप पाँच जना कोरोना संक्रमितको मृत्यु भएको छ । सल्यानका चार र सुर्खेतका एक जनाको मृत्यु भएको हो । योसँगै कर्णाली प्रदेशमा कुल संक्रमितमध्ये हालसम्म मृत्यु हुनेको संख्या २२६ पुगेको छ ।
यस्तै पछिल्लो २४ घण्टामा प्रदेशका विभिन्न अस्पताल तथा आइसोलेसनमा उपचाररत थप ४२३ जना संक्रमित उपचारपछि निको भएका छन् । योसँगै हालसम्म कुल संक्रमितमध्ये निको हुनेको संख्या १४ हजार ६०९ पुगेको छ ।
पछिल्लो २४ घण्टामा पिसिआर विधिबाट गरिएको परीक्षणमा ८७ र एन्टिजेन विधिबाट गरिएको परीक्षणमा १७१ जनामा संक्रमण पुष्टि भएको छ । योसँगै कर्णालीमा हालसम्म कुल संक्रमण पुष्टि हुनेको संख्या २२ हजार २०२ पुगेको छ । हाल प्रदेशका अस्पताल, आइसोलेसन, होम आइसोलेसनमा ६ हजार १२२ जना सक्रिय संक्रमित उपचाररत छन् ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम