वैशाख २०,धनगढी । धनगढीको सेती प्रादेशिक अस्पतालमा उपचाररत थप चार जना कोरोना संक्रमितको मृत्यु भएको छ ।
प्रादेशिक अस्पतालको इमरजेन्सी वार्ड र कोभिड अस्थायी अस्पतालमा उपचाररत कैलालीका दुई, कञ्चनपुरका एक र ठेगाना नखुलेका एक जनाको मृत्यु भएको सूचना अधिकारी दिलिपकुमार श्रेष्ठले जानकारी दिए ।
बैशाख १९ गते अस्पतालको इमरजेन्सी वार्डमा भर्ना भएकी कैलालीको लम्कीचुहा नगरपालिका १० की ३५ वर्षीया संक्रमित महिलाको सोमबार बिहान मृत्यु भएको श्रेष्ठले बताए । इमरजेन्सी वार्डमै उपचाररत ३८ वर्षीय संक्रमित पुरुषको मृत्यु भएपनि उनको ठेगाना भने खुलेको छैन।
यस्तै प्रादेशिक अस्पताल मातहतको कोभिड अस्थायी अस्पतालमा बैशाख १५ गतेदेखि उपचाररत कञ्चनपुरको भीमदत्त नगरपालिका ७ का ५२ वर्षीय पुरुष र धनगढी उपमहानगरपालिका २ का ४३ वर्षीय पुरुषको पनि मृत्यु भएको छ ।
सूचना अधिकारी श्रेष्ठले भीमदत्त नगरपालिकाका संक्रमित पुरषको भेन्टिलेटर र धनगढीका संक्रमितको आईसीयूमा उपचारका क्रममा मृत्यु भएको जानकारी दिए ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम