चैत २९, काठमाडौं । बैतडीको झुलाघाट नाकामा परिक्षणका क्रममा भारतबाट फर्केका आठ जनामा कोरोना संक्रमण पुष्टि भएको छ ।
भारतका विभिन्न ठाउँबाट फर्केका ३९ नागरिकको झुलाघाट नाकामा एन्टिजेन विधिबाट कोरोना परीक्षण गरिएको थियो । परिक्षणका क्रममा आठ जनामा कोरोना संक्रमण पुष्टि भएको हो ।
पुष्टि भएका आठमध्ये सात जिल्लाको दशरथचन्द नगरपालिकाका छन् भने एक जना दोगडाकेदारका रहेका छन् । सङ्क्रमित आठै जना होम आइसोलेसनमा बसिरहेको स्वास्थ्य कार्यालयले जनाएको छ ।
सुदूरपश्चिम प्रदेश सरकारको सहयोगमा गत माघ २५ गतेदेखि भारतसँग जोडिएको बैतडीको सीमा नाका झुलाघाटमा हेल्थ डेस्क सञ्चालनमा आएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम