१३ माघ, काठमान्डौ । डिजिटल नेपाल फ्रेमवर्क र साइबर सुरक्षा बारे सञ्चार तथा सूचना प्रविधि मन्त्री पार्वत गुरूङले नेपालका विज्ञहरुसँग छलफल गरेका छन् ।
मन्त्री गुरूङले सोमबार मन्त्रालयमा आयोजित कार्यक्रममा डिजिटल नेपाल फ्रेमवर्क तथा साइबर सुरक्षा बारे सरोकारवालासँग छलफल गरेका हुन् । उक्त कार्यक्रममा मन्त्री गुरूङले डिजिटल नेपाल फ्रेमवर्क डिजिटल नेपालको रुपान्तरणकारी योजना भएको बताए ।
कार्यक्रममा उनले सूचना प्रविधिको विकासका लागि अन्तर्राष्ट्रिय स्तरको सूचना प्रविधि लगानी सम्मेलन आयोजना गर्ने तयारी गरिरहेको जानकारी दिए । साथै एप सार्वजनिक गर्ने नाममा सरकार बजेट मात्रै खर्च गर्ने पक्षमा नभएको उनले जिकिर गरे ।
अन्तरक्रिया कार्यक्रममा विज्ञहरूले नागरिक एप ल्याउने सरकारको कार्य निकै प्रशंसनिय भएको भन्दै त्यसमा देखिएका समस्याहरु समाधानमा लाग्नुपर्ने सुझाव दिए । साथै उनिहरुले नेपालको साइबर सुरक्षामा योगदान गर्ने प्रतिवद्दता पनि जनाए ।
डिजिटल नेपाल फ्रेमवर्क कार्यान्वयन गर्न विज्ञहरुसँग निरन्तर छलफल गर्दैं अगाडी बढ्ने मन्त्री गुरूङको प्रतिवद्धता थियो । सो कार्यक्रममा डिजिटल नेपाल बनाउन सरकार र नीजि क्षेत्रले गर्ने प्रयासहरुको बारेमा पनि छलफल भएको थियो ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम