मंसिर २५,एजेन्सी । अफगानिस्तानमा एक महिला पत्रकारको गोली हानी हत्या भएको छ।
जलालाबादस्थित कार्यालय जाने क्रममा मलाला माइवन्डलाई अज्ञात समूहले गाडीमा गोली हानि हत्या गरेको हो। उनीसँगै उनका ड्राइभर मोहम्मद ताहिरको पनि हत्या भएको बिबिसीले जनाएको छ।
अहिलेसम्म कुनै पनि समूहले उनीमाथि भएको आक्रमणको जिम्मेवारी लिएका छैनन्। माइवाण्ड एनिकास टिभी र रेडियोमा काम गर्थिन्। उनी एक महिला अधिकारकर्मीसमेत थिइन्। यसअघि उनकी आमाको पनि ५ वर्षअघि हत्या भएको थियो।
प्रान्तीय गभर्नरका प्रवक्ता अट्टाओल्लाह खोगियानीले स्थानिय मिडियालाई बताए अनुसार पत्रकार माइवन्डमाथि गोली हान्नेहरू त्यस क्षेत्रबाट फरार भइसकेका छन्। अधिकारकर्मी समेत रहेकी माइवन्डले केही समय अघि अफगानिस्तानमा महिला पत्रकार हुँदा आउने चुनौतीहरूका बारेमा बोलेकी थिइन्।
BREAKING: Malalai Maiwand, a journalist at Enikass Radio and TV in #Nangarhar, was killed with her driver on Thursday morning in an attack by gunmen on their vehicle in Jalalabad city, capital of the province, eyewitnesses said. #Afghanistan pic.twitter.com/LYXCSRn2hz
— TOLOnews (@TOLOnews) December 10, 2020
अफगानिस्तानमा भएका पछिल्ला आक्रमणहरूमा विशेषगरी अभियान्ता, पत्रकार र राजनितिक व्यक्तित्वहरूमाथि लक्षित छन्। गत महिना काबुलमा कार बम पड्किँदा पूर्व टेलिभिजन प्रस्तोता यामा सियावाससहित अन्य दुई जनाको मृत्यु भएको थियो।
रेडियो लिबर्टीका पत्रकार अलियास दायीको लाशकरमा भएको कार बम आक्रमणमा मृत्यु भएको थियो। त्यस्तै अफगानिस्तानकै पहिलो महिला निर्देशक सबा शहारमाथि काबुलमा गोली प्रहार भएको थियो। तर उनी त्यस आक्रमणबाट जोगिन सफल भइन्।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम