एजेन्सी, असोज १२ । फ्रेन्च राष्ट्रपतिमाथि फेरि आक्रमण गरिएको छ । लायोनस्थित एक अन्तर्राष्ट्रिय खाद्य समारोहमा पुगेका बेला राष्ट्रपति इम्यानुअल म्याक्रोनमाथि अण्डा प्रहार गरिएको अमेरिकी समाचार च्यानल सीएनएनले जनाएको छ ।
एक व्यक्तिले अर्को कुनाबाट प्रहार गरेको अण्डा राष्ट्रपति म्याक्रोनको कुममा लागेर अगाडि पट्टी भुईँमा खसेको थियो । एउटा अण्डाले लाग्ने बित्तिकै राष्ट्रपति म्याक्रोनलाई सुरक्षाकर्मीहरुले छेकेको दृश्यमा देखिन्छ ।
उक्त घटनाका तस्वीर अहिले सामाजिक सञ्जालहरुमा चर्चित बनेको छ । एक पुरुषले केही नबोली राष्ट्रपतिलाई ताकेर अण्डा प्रहार गरेका थिए । उनले किन यसरी राष्ट्रपतिमाथि प्रहार गरे भन्नेचाहिँ प्रष्ट भएको छैन ।
सार्वजनिक स्थलमा म्याक्रोनमाथि अण्डा प्रहार गरिएको यो दोस्रो घटना हो । यसअघि, सन् २०१७ मा राष्ट्रपति चुनावका बेलामा एक व्यक्तिले हानेको अण्डा उनको टाउकोमै लागेर फुटेको थियो ।
गत जुनमा भने दक्षिणपूर्वी फ्रान्स भ्रमणमा रहँदा सर्वसाधारणको भीडमा एक व्यक्तिले गालामै चड्काएका थिए । त्यसरी प्रहार गर्ने व्यक्तिले चार महिना जेल सजायँ पाएको पनि समाचारहरुमा उल्लेख छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम