मंसिर १४,काठमाडौं । दक्षिण कोरियाको गुप्तचर संस्थाका अनुसार, उत्तर कोरियाका नेता किम जोङ उनले कोरोना संक्रमण रोक्नलाई लापरवाही गर्नेहरूलाई गोली हान्ने आदेश दिएका छन् । उनले समुद्रमा माछा मार्न जान पनि प्रतिबन्ध लगाएका छन् ।
अनि अमेरिकालाई उत्तेजित बनाउने कुनै पनि कार्य नगर्न किमले कूटनीतिकर्मीहरूलाई आदेश दिएका छन् । अमेरिकाका नयाँ राष्ट्रपति बाइडनले उत्तर कोरियाका सम्बन्धमा कस्तो दृष्टिकोण अपनाउने हुन् भन्ने विषयले किमलाई चिन्तित बनाइरहेको बुझिएको छ ।
दक्षिण कोरियाका सांसदहरूलाई गुप्तचर संस्थाका अधिकारीहरूले निजी ब्रीफिङमा यो कुरा बताएका हुन् । एक सांसद हा के कुङले गुप्तचर संस्था एनआईएसलाई उद्धृत गर्दै किमले अत्यधिक क्रोध प्रदर्शन गरिरहेको र महामारीको आर्थिक असर न्यूनीकरणका लागि असंगत उपाय अपनाइरहेको बताए ।
उत्तर कोरियाले अघिल्लो महिना प्योङयाङमा रहेको एक उच्चस्तरीय मनी एक्सचेन्ज कम्पनीलाई विनिमय दरमा कमीका लागि जिम्मेवार ठहर्याएको उनले बताए । विदेशबाट ल्याएको सामानमा प्रतिबन्ध लगाउने सरकारी नियम उल्लंघनका लागि जिम्मेवार ठहर गरेर किम शासनले एक प्रमुख अधिकारीको हत्या गरेको पनि उनले एनआईसलाई उद्धृत गर्दै बताए । मारिएका अन्य अधिकारीको पहिचान खुलेको छैन ।
अनि समुद्री जललाई भाइरस संक्रमित हुन नदिन उत्तर कोरियाले माछा मार्न तथा नून उत्पादन गर्न रोक लगाएको पनि उनले जानकारी दिए । अनि दक्षिण कोरियाको एक औषधि कम्पनीले कोरोनाभाइरसको खोप बनाउन खोजिरहेकोमा उत्तरले कम्पनीको सिस्टम ह्याक गर्न खोजेको पनि उनले बताए ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम